Дали Анџелина ја украла позата од Џенифер?

28ФЕВ 201223:23

Прочуената поза на Анџелина Џоли со исфрлената нога на доделувањето оскари веќе има свој твитер-профил, пародија на бина (тројцата батки на кои таа им даде оскар веднаш ја изимитираа), милијарда имитатори и серија фотомонтажи. Но сега ногата на Џоли стекна уште едно нешто: конкуренција од ногата на никого друг туку баш на Џенифер Анистон!

Излегува дека тие две имаат повеќе заеднички нешта, а не само поврзаноста со Бред Пит, ако се суди според оваа слика. На неа Анистон и самата стои со подадена нога (многу поприродно од Анџелина) на доделувањето златни глобуси пред две години. Дури и фустаните им се слични, црни и со спуштено рамо, само што тој на Џенифер е на Валентино, а овој на Анџелина е на Версаче. И што на Џенифер многу подобро ѝ стои.

Ногата на Анџелина Џоли очигледно на сите им остави толку голем впечаток, што по церемонијата на доделувањето оскари таа е „насекаде“.

Во продолжение следува галерија од слики – инспирација од неповторливата ковчеста нога на Џоли на годинашново доделување на наградите од Американската филмска академија.